A Torre de Hércules, A Coruña.

                               

Tivemos un día fantástico para visitar un auténtico faro romano, a Torre de Hércules. É o faro máis antigo do mundo en funcionamento e Patrimonio da Humanidade. Contáronnos a lenda de Hércules e Xerión e ensináronnos a parte baixa onde están feitas excavacións que deixan á vista algúns dos seus cimentos. 

Tivemos un ratiño para disfrutar da marabillosa paixase, xogar na Rosa dos Ventos e, por suposto, tomar un petisco que nos soubo a gloria!

Visita á escola de Protección Civil.

Como cada curso recibimos na escola a visita de Protección Civil de Bergondo, que sempre nos recordan consellos e boas prácticas para saber actuar correctamente nalgunhas situacións. Ademáis de conversar con todos eles, practicamos a RCP e vimos o camión que tanto nos gusta. Mesmo fomos bombeiros!!! 

Coma sempre, foi una visita moi interesante. Moitas grazas!!!

Concerto de clarinete.

Onte tivemos a sorte de contar coa visita do papá de Candela, músico e clarinetista que trouxo o seu clarinete para deleitarnos co seu son e descubrir este intrumento musical en vivo e en directo. Non só tocou música para nós senón que tamén nos acompañou nalgunhas das cancións que aprendimos coa profe María. 

Moitas grazas Antonio!!!

Ciencia e experimentos

Coa profe Eva estamos levando a cabo unha sesión semanal de ciencia e experimentos que...nos encanta!!
Aproveitando o traballo deste curso sobre Roma, fixemos un volcán, o Vesubio. Utilizamos varios ingredientes, entre eles vinagre e bicarbonato e apreciamos cómo se produce unha erupción volcánica. Non sei eu se será a única vez que o fagamos porque é algo moi divertido e impactante!!!

Entroido

Celebramos o Entroido na escola combinando tradición, historia e modernidade. Falamos das figuras do Entroido tradicional galego, cumplimos os mandados romanos do Meco e viñemos disfrazados da casa cos nosos disfraces. Mirade...

Fomos Peliqueiros por un día e fixemos as máscaras desta figura do entroido de Laza, en Ourense.

Cumprimos cos mandados do Meco, moi romanizado este ano, ata convertirnos en auténtic@s emperatrices e emperadores romanos...

E o último día trouxemos os disfraces da casa para lucilos na escola.

A que estamos guap@s??

Visita de Martin Hutchinson e Starsky

Martin Hutchinson acompañado do seu can Starky fixeron unha parada na nosa escola e continuarán a súa viaxe polo mundo transmitindo a súa mensaxe. Martin leva doce anos transmitindo a importancia do coidado do medio ambiente, concienciando á xente dos efectos nocivos da contaminación e amosando o dano que lle estamos facendo ao planeta. É especialmente sensible co impacto dos plásticos no medio marino. 
A educación e concienciación, especialmente dos máis pequenos, é fundamental e Martin coa súa bici e o seu fiel acompañante Starsky, camiña polo mundo altruistamente difundindo a súa mensaxe.
Dende a escola de Silvoso quixemos transmitirlle unha mensaxe de tranquilidade, convertíndonos na Patrulla dos Silvosiños, intentando cumplir e dar difusión a todo o que el contou.

 Un enorme pracer coñecervos!!!

Moita sorte na vosa andaina!!

Xa veñen os Magos

Queda moi pouco para a noite máis máxica do ano, a noite na que recibimos nas nosas casas aos Reis Magos. Nós tivemos moita sorte, pois viñeron a visitarnos eles mesmos á nosa escola e así puidemos darlle as cartas e falar un pouquiño con eles. 

Agora a esperar a que chegue o día e... recordade o que di o conto de Martiño: os Reis non entran nas casas dos nenos que non están durmidos!!!

Boa noite de Reis a tod@s!!!!